نحسابك بنت اصحاري

نحسابك بنت اصحاري وطنك خيمة وارمال""""""""تبغي را كب لمهاري لمعمم بو سلهام
قلت انا واش اداني ولا خصلة من لخصال """""""تشفع لي بين اقراني يزاني من لوهام
كيفاش انا تختاري وشرطك ماهو من مال""""""""يلقيك بواحد قاري او ناظم فيك اكلام
انا قانع باعذاري ماني طامع بوصال"""""""""""دايرك فاصل إشهاري في فيلم من لفلام
من وصل ليك اخباري وقال ليك انا قوال""""""آه يالفاضح لسراري وتعاهدني بكتام
ردي بالك تغاري وتديريني فالبال """""""""اهوايا لعب اذراري محبة ومن بعد اخصام
قالت لي تتحداني واشحال اغويت أرجال""""""يا ويحو من عاداني وارجع ليا خدام
انا قمرة ازماني وبزيني ما نختال"""""""""معذوراللي يهواني في عشقوما يلتام
لو كان اقلعت اعجاري نصرع عقلك بهبال"""اتجي من ورايا جاري مغبَر حافي لقدام
ترجى نقلع ايزاري وباش انقلعو محال""""""خايفة تشطح فاسهاري رابط نصك باحزام
وخايفة تتبع زماري اعلى صدرك طبال"""""وتقلد عود اوتاري تطربني بالأنغام
تغني يا شمس انهاري واش اطلو عك مازال"""يكفاني غير اقراري بجوابي نزيد اهيام

جلول بن يعيش